لما الفرح يدق
لما الفرح يدق على البيبان قوم
أستقبله وخده بالأحضان
أصله ساعات بيمر أوام وبسرعة
أفتح له ليه تقعد زعلان
لو تستسلم يكسرك الهم ويعشش
جواك وتاسرك الاشجان
وأنسى كل ما يجلب الهم ليه
تهتم وأتفائل وعيش فرحان
أصل الفرح بيجى وراه فرح
والأحزان بتجر وراها احزان
هى الدنيا ما بين ترح وفرح
وشد ومد وسعادة وحرمان
عمر الحزن ما يرجع شئ ضاع
مهما حزنت لأن ما كان كان
والأحزان تتداوي بالصبر وبكره
تمر ماضى ومسيره للنسيان
ليه تستسلم للأحزان عالطول
تجلد ذاتك وعايش ندمان
أيه يعنى غلطت مهما قابلت
أنت فى الأول والآخر أنسان
لو يوم الحظ معاك عاند بكره
هتتعدل ربنا الحنان المنان
أفرج لو جالك الفرح وأغتنم
أنه صفالك وخده بالأحضان
أصل ساعات الفرح قليله ليه
تخسرها وتعيش فى الأحزان
الشاعر عبد المنعم حمدى رضوان