(جرب صاحبك)
ذر جرحك ملح
واصحه الغدر دنياك
او واكح كل وكح
والزغل مره اوياك..
جرب صاحبك
مو مره لا عشرين
واتمعن عدل
باليضحك ابملگاك..
سن يضحك كذب
من تضحك انته اوياه
خطوه لو مشيت
ايطعنك ابمگفاك..
كل خطوه ابحذر
من تمشي فوگ الگاع
امشيها ابتأني
اوريض ابممشاك..
تدري الگاع وسعه
اوترفض الغافين
زمن قوه اوغدر
قانون كل دنياك..
صح طيب گلب
ساعدت زين اوشين
بس لمن طحت
بس گلي ياهو الجاك..
لا تعتب تلوم
اوتندب اعله الراح
شيفيد العتب
واللوم بالخاناك..
واهم لو تضل
تندب وره المجفين
بس گلي عليمن
صاحبك جافاك..
لان انته طحت
شافاك فارغ ايد
سمع منك ونين
اوماكو جلمة هاك..
ضل عالج ابوحدك
لا تحشم الناس
كلمن همه روحه
اوياهو جاك انطاك..
ربك بس يعينك
عالجرى والصار
لتضن غير ربك
هالوكت عاناك..
صبري السعدي
العراق