السلام عليكم ورحمة الله وبركاته..
.. انقضت ايام عمر باهت ..
فى كل يوم..
نفس المعاد..
معايا معاد..
مع المرايه..
أقف معاها..
واتكلم معايا..
كل يوم..
نفس الحوار..
نفس الحكايه..
نفس النهاية..
بلاقينى ساكت..
وف يوم..
وف عز ما بحكى..
معايا..
لاحظت خطوط..
الحزن فى وشى..
راسمه طريق..
اسود غميق..
مفيهشى نور..
هم شوية..
ذكريات حزينه..
وم الحزن ماتت..
حتى الضحكه..
واللى كانت..
ماليه العيون..
قلبت حزن..
والدمعه محبوسه..
ومعاها..
حبة شجون..
أما الفرحه..
الف حسره..
وسط الزحمه..
تاهت..
عديت سنين عمرى..
لقيتها كتير..
عمرى انسرق منى..
سنه ورا سنه..
واللى فاضل..
شئ قليل..
شمعة عمرى..
انطفت..
وسنين كتير..
شاخت..
حتى السواد..
واللى كان..
بيغطى شعر الراس..
حرقه..
بياض الشيب..
بقى يشبه..
ايام العمر اللى فاتت..
باهت ف باهت..
... تحياتى
... النميرى نافع